Oo o Hindi

Maganda ang Kanlurang Mindoro lalo na sa bayan ng Sablayan, ako ay nahalina na dito na manirahan mula galing sa malayong dako. Maganda kasi may dagat, may bundok, may kapatagan sa madaling salita mayaman sa magandang tanawin at natural resources sa ingles hindi ko (mai-translate) sadyang biniyayaan ang bayang ito. Halos yata ng mga naninirahan dito ay dayo mula sa kalapit na isla ng Luzon, Visayas at kahit sa Mindanao.

Maingay ngayon ang kampanya nga kompanya ng mina na makapag-umpisa ng kanilang operasyon at pagkuha ng mineral na sinasabing mayaman ang Mindoro, partikular ang bayan ng Sablayan. Alam ninyo mga kababayan ko naroon ang takot dahil ang ganda at saganang tinatamasa natin dito sa ating bayan ay maaaring maglaho sa isang iglap. Hindi naman kailangan nag-aral tayo para maunawaan ang masamang epekto ng pag-mimina. Lalong higit sa pagpatag ng kabundukan at paghuhukay ng malalim, pagproseso gamit ang kemikal at lasong puwedeng umagos pababa ng bundok.

Sabi ng kumpanya kagaya ng Intex Resources, yayama at uunlad ang ating bayan dahil sa pagmimina. Magkakatrabaho daw (iyon ay kung kwalipikado ka at nakapag-aral), magpapagawa ng kalsada (natural at dapat lang dahil kelangan nila ang kalsada upang mahakot ang kanilang nakuhang mineral sa kabundukan), magpapagawa ng hospital o klinika (natural dahil requirements iyon bago sila makapag-umpisa). Hindi naman mataas ang pinag-aralan ko pero sa dami ng napag-alaman kong mga lugar na may mina sakuna at patuloy na naghihirap ang mga lugar nagkasakit pa dahil sa lasong iniwan ng operasyon nila.

Natatakot ako na makalbo ang bundok, umagos ang putik at kemikal sa karagatan at pati lupang sakahan ay maapektuhan, sabi ko nga kung matutuloy ito ay ngayon pa lamang mga kababayan maghanap na tayo ng lugar na maari nating lipatan para hindi na natin danasin pa ang sakuna.

Ang alam ko tanging ang punong bayan Godofredo B. Mintu ng Sablayan ang nakikipaglaban at mahigpit na tumututol sa pagmimina sa ating bayan, mariing hindi ang sagot niya sa tuwing tinatanong siya sa pagmimina. Tama lang naman siguro dahil sa pagdedisisyon ay dalawa lang ang dapat na posisyon at sagot OO at HINDI, walang gitna at walang kompromiso. Ang nakakatuwa ay ito, minsan napadaan ako sa isang barangay may nakausap akong mga tao at tinatanong ko kung ano sa palagay ninyo ang pagkakaroon ng mina sa ating bayan, sabi nila kami tutol, ako ay natuwa. Pero sabi ng isang mama, bakit iyong mga tao ng ating vice mayor ay maiigting na nagpapahiwatig na suportahan ang pagmimina. Nag-isip ako bigla, akala ko noon buo ang loob ng ating sangguniang bayan sa pangunguna ng ating vice mayor na tutulan ang pagmimina sa ating bayan. Nalungkot ako dahil sa mga naririnig kong paliwanag, minsan nagsalita siya sa radyo, ngayon daw hindi pa pinapayagan ang pagmimina, ibig sabihin pagkatapos ng ordinansang moratorium sa loob ng 25 taon ay puwede na, nanang ko po! Mukha yatang sala sa init sala sa lamig! Sa mundo dalawa lang ang paruruunan ng tao langit o impyerno, at sa pagdedesisiyon ang sagot ay Oo o Hindi, walang gitna at walang pasubali! Nakakatakot pag ang lider walang paninindigan ata walang prinsipyong tinitindigan.

Sa mga sitwasyong ganito, dapat mag-isip tayo, hindi natin ipagsawalang bahala ang ating kinabukasan, hindi ko papayagan ang sarili ko na madamay sa mga utak na paurong ng mga taong ito. Ako ay naninindigan kasama sa mabuting layunin ng ating punong-bayan dahil hindi ang kasalukuyan ang kanyang iniisip kundi ang kinabukasan ng sususnod na salinlahi. Ito ang tunay na essence of development, development today and tomorrow without sacrificing what we have today! kaya nga sa mag kababayan kong Muslim, Kristiyano at mga bisaya dito sa ating bayan, tayo ay manindigan ang sagot natinn sa banta ng mina ay isang dumadagundong na HINDI!

Ang Naghuhumiyaw na Pagbigyan Naman

Ano ba naman ito mga kababayan ko ang aga-aga naman ng pulitika sa ating bayan, malayo pa ang taong 2010, ngunit aligaga na ang mga tatakbo sa halalan na nais daw maglingkod sa ating bayan. Tsk., tsk., tsk., madaming problema kinakaharap ng ating bansa pero pulitika ang nasa isip ng mga taong ayaw paawat, hay... Kapag ganito ang kaisipan ng mga taong ito, sa palagay ninyo ba makakapag-isip pa ba sila ng mabuti para sa ikauunlad ng bayan, kung sila ay nanunungkulan sa ating bayan, tiyak ang sagot ninyo hindi.

Sa katunayan may grupo na naghuhumiyaw PAGBIGYAN NAMAN, anu po ba ang nais na ipahiwatig ng mga taong nasa likod na ito? Pagbigyan ng ano? Pagbigyan saan? Tsk., tsk., labo naman, may nabasa akong pulyito na pinamumudmod sa mga kababayan natin at nakasaad duon ang mga panukalang pagbabago pero hindi naman sinabi kung ano. Pero sa kahulihan ay binibigyang diin ang pagbabago sa pamunuan ng ating bayan at iyong sinasabing traditional politician o trapo. Mukhang tinutumbok ang panunungkulan ng kasalukuyang punong bayan Mintu. Pero simpleng lohika bakit sila nagmamakaawa na pagbigyan naman! Ito ay patunay na ang panunungkulan ng ating kasalukuyang lider ay matibay at masasabi nating may kredibilidad. Minsan halos wala tayong marinig na salita mula sa ating punong bayan pero hindi pa ba sapat ang mga proyektong pangkaunlaran na ating nakikita.

Sa totoo lang, kung development lang pag-uusapan hindi hamak na mas angat ang ating bayan kesa sa ibang mga bayan. Nakakalungkot isipin na sa ganitong kaagang panahon puro paninira ang namumutawi sa mga labi ng mga nagbabalak pumalit sa ating alkalde. Ngunit ang tanong mga kababayan ko ano ba ang mabigat na development agenda ang kanilang ibinabandera? Doon sa papel na pinapakalat ng grupong Pagbigyan Naman ei, ginagawa naman ng kasalukuyang administrasyon!

Ako bilang magsasaka, gagap ko ang takbo ng mga taong ito, masyadong pulitika, sino ngayon ang trapo, aber? Ang mga utak ng taong ito ay paurong hindi development oriented. Hay... ang pulitika nga naman. Ang alam ko politics play during the political period pag may eleksiyon at aktwal na halalan. Ei ang tagal pa ng eleksiyon ah, anu na lang ginagawa ng mga taong ito, magampanya? iniwan na ang tungkuling magligkod at tirada personal ang ginagawa, hay..tsk., tsk., mga kababayan kong Sablayeño, mag-isip at pagnilayan ang kanilang ginagawa.

Basta ako masaya sa nangyayari sa bayan ko!